Inicios do Club

O Club Baloncesto PIO XII nace non ano 1.976 coincidindo coa creación do Colexio Público do mesmo nome, sendo na actualidade un dos máis representativos de Galicia na promoción do deporte escolar, con numerosos equipos en todas as categorías e idades de competición. Á súa vez é un club tradicionalmente representativo do baloncesto feminino en Santiago de Compostela e Galicia.

Na tempada 2002/2003 prodúcese uns dos fitos máis importantes para a entidade, xa que o seu primeiro equipo consegue o ascenso a liga Feminina 2 (segunda categoría do Baloncesto Nacional), tras finalizar a ligar regular como campión do grupo norte da Primeira División Feminina e participar na posterior fase de ascenso. Na actualidade este equipo segue representando á cidade de Santiago de Compostela por toda a xeografía española (son 7 as Comunidades Autónomas nas que compite na tempada 2006/2007).

O Club ten a súa sede administrativa e desenvolve todas as súas actividades no Pavillón Municipal de Deportes do Colexio Pío XII, que dispón en exclusiva grazas ao convenio asinado co Departamento de Deportes do Concello de Santiago. Desde o seu nacemento o club realizou todos os anos esforzos importantes na mellora destas instalacións co obxectivo de ofrecer as mellores condicións de traballo posibles a todo o persoal que traballa neste proxecto deportivo. As melloras realizadas supuxeron a creación dunhas oficinas para a área de administración, unha sala de xuntas e de reunións para os adestradores, así como a creación dun ximnasio con sala de musculación e unha sala multiusos que son utilizadas para mellorar o apartado físico das xogadoras e xogadores do club.

Outros fitos importantes na historia do Club son o nomeamento como Mellor Club Galego na Basquetgal de 1995, o premio ao Mellor Directivo na persoa de D. Ramón Boullón Moure (actualmente Secretario Xeral) na Basquetgal de 1992 e o premio ao Mellor Club de Santiago no ano 1993 entregado polo grupo editorial O Correo Galego.

Inicios do Club

Club PIO XII na actualidade

Nos últimos anos, sobre todo a raíz do ascenso a liga Feminina 2, estanse producindo unha profesionalización do club a todos os niveis, pero sen esquecer as orixes deste proxecto deportivo, baseado en tres grandes bases:


MASA SOCIAL: Actualmente o club conta co apoio de 200 familias que confían a práctica deportiva dos seus fillos a este club.


APOIO EMPRESARIAL: Diversas empresas de toda Galicia apoian e cren no traballo que se está desenvolvendo.


APOIO INSTITUCIONAL: Desde a Dirección Xeral para o Deporte da Xunta de Galicia, a S.A. de Xestión do Plan Xacobeo, a Deputación dá Coruña ou o Concello de Santiago.

O club na actualidade